Beste Tuurhouters en Tuurhouterinnekes,
Ich bin gebaore en getaoge in Göttekaove mit tusjedoor un kort oetstepke nao Bor. Ich bin werkzaam es projectleider veur Ranpak in Eygelshoven, of baeter gezag Egelze en ben betrokke bie ut laote make van verpakkingsmachines, die ozze klanten mot ongersteune om hun producte te verpakke en zo efficient es meugelijk bie de eindklant te kriege. Un baan mit genog oetdaginge wobie ich de ganse wereld euver gaon.
Veur un stukske ontspanning staon ich gaer mit vrunj en collega’s op de squash- of padelbaan es ich neet op de vriedigaovend al mit de 35+ op ut voetbalveld staon. Moch beide neet op de agenda staon, hubse groate kans mich thoes op de bank aan te treffe kiekend nao un putje voetbal of de Formule 1.
De vastelaovend zaot al in mien blood vanoet mien Opa, Pierre Ubachs, dae ich helaas nooit gekind hub, mer ich waal op ouwe films veurbie hub zien komme es lid van ozze raod van 11. Ich bin zelf in eder geval begonne mit mien ouwersj bie de buurtvereiniging op de Beukeboum, later door nao de Klein Mennekes en noe mit S(j/h)ots en Sjeif. Daonaeve draag ich mien steinke bie aan de organisatie van ozze Mansluujzitting wo ver elk jaor weer probere ein origineel programma neer te zitte.
Alaaf,