Prins Patrick I

Prins Patrick I

Beste Tuurhouters en Tuurhouterinnekes,

Vastelaovend vieren is mich in Göttekaove met de paplaepel ingegaote. Same met vrunj in allerlei oetdossinge flink feeste, in met name os dörpke zelf, maar auch de omsjtreke. Ich vènj ’t dan auch een hele eer om same met mien prinses Audrey en os jeugprinsepaar Kik en Iris de gezichte te maoge zeen van de Göttekaovese vastelaovend in 2020!

Mien ouwesj zin aafkomstig van ’t Haverbüleriek, mer al meer dan 30 jaor woonachtig in Göttekaove. De jonges en maedjes die ich zodoende op de basissjool höb lere kènne, vier ich tot op de daag van vandaag nog ummer superleuke vasteloavende met. ’t Verenigingslaeve beveel en bevilt mich nog ummer good. Zo zaot ich vreuger bie KVW. Allewiel help ich nog bie ’t Waeske en zit ich zelf bie Sjtichting Waeskepop, es trotse veurzitter. Auch höb ich van jongs af aan bie GVCG gesjpeeld en ben ich bie ’t huidige VV Zwentibold actief es sjpeler, maar auch es fysio- en manueeltherapeut. Dat is namelijk auch wat ich met veul plezeer en entoesjasme veur de kos doon bie Health & Sports in Buchten, same met een heel leuk team.

De luuj die mich kènne, weite dat Audrey en ich waal van een feeske houwe, maar ich ben auch gaer toes: lekker een film kieke oppe bank of een sjpelke doon op de computer.

As mich get dudelijk is gewore in de 27 jaor die ich hiej woon, is t waal dat de vrunjtelike dörpsgenote ’t zo leuk make om hiej te laeve, veul te lache en de vastelaovend te viere!


Tuuhouters, alaaf!
Prins Patrick I

Patrick I
Prins Patrick I



© 2020 CV De Tuurhouters Facebook Privacy statement