Nog neet al te lange geleje zaote ver thoes op de bank en zeije ver taege mekaar, wat zou ut toch leuk zeen es Peter os ins zou vraoge. Wiste veer veul dat dat kort daonao auch eg ging gebeure.

En wat waor dae eesjte aovend al sjoon. Geweldige leedjes, heerlijke sfeer en stiekem wiste veer natuurlijk al wat nog gebeure ging. Wie ut dan auch zo wiet waor, veer de grote verbazing op ut gezich van ozze kinger zaoge en alle enthousiaste reacties in ontvangs mochte numme, koosj de aovend helemaol neet meer kapot en krege ver allein mer meer zin in ut sezoen dat komme geit.

Veur diegene die os nog neet kinne, wille ver os gaer ff veurstille. Veer zeen Bart en Vivian Ubachs en dit  jaor hubbe veer de eer om es prins Bart d’n eesjte en prinses Vivian samen mit ut jeugprinsepaar, Stijn en Puck, veurop te maoge gaon in de vastelaovend in os sjone Tuurhouterriek.